Venezuela a confisca 3 avion priva pasobra nan ta meti den actonan ilegal

The content originally appeared on: News Americas Now

Black Immigrant Daily News

The content originally appeared on: Diario

Uno di nan a bishita Aruba den pasado

BARQUISIMETO: Siman pasa, autoridadnan na Venezuela a actua cu ordo den nan man, pa asina confisca un total di 3 avion priva cu tabata staciona na Aeropuerto Internacional Jacinto Lara na Barquisimeto.  Tur cos ta indica cu nan tabata wordo usa pa actividadnan di narcotrafico, y tambe tin cierto asunto pa splica ainda, pasobra por lo menos dos di e avionnan ey a wordo usa pa asuntonan oficial door di militarnan venezolano.

   Guardia Nacional Bolivariana su seccion operando cu Unidad Regional di Inteligencia Antidroga, ta esun cu a confisca e avionnan aki cu lo ta envolvi den contrabando di droga.

   Nan a confisca un avion Piper PA34-200T Seneca II cu matricula YV-2672, cu a wordo usa dia 8 di Februari 2018 pa 5:30 pm pa plama shinishi di e capitan di Barquisimeto, esta Pablo Ernesto Chiossone Rios kende a wordo ehecuta door di Talibannan dia 20 di Januari durante un atake terorista na Hotel Intercontinental Kabul.  Den e vuelo ey, e capitan di e Piper tabata Jose Gregorio Ramirez, kende a bay acompaña pa capitan Alberto Urbano, Luis Becker Valero, y Yuyita Chiossone, kende ta mama di e capitan asesina.

   E avion ey a wordo escolta den formacion pa un otro Avion priva confisca, un Aerocomander 500 cu matricula YV-1586, y pilotea pa capitan Jesus Infante.  Segun e relato, e vuelo tabata riba espacio aereo di e Aeropuerto, y den un pase, e capitan Becker a plama e shinishinan.

   E avion Aero Commander 500S aki cu matricula YV-1586 tabata dia 20 Augustus 2010 na Aruba, manera por mira riba e potret aki saca na Aeropuerto di Aviacion General banda zuid di pista na Aruba.

   Na Barquisimeto, e di tres avion confisca ta un Cessna CE-421-B cu matricula YV-3068.  Esaki tabata na benta na Februari 2019 pa 332.000 Dollar.

   Por lo menos dos di e tres avionnan tabatin como 4 aña staciona na Aeropuerto di Barquisimeto.

   Kico e acusacion di narcotrafico ta relaciona cu e avionnan, autoridad no a bisa nada oficialmente.

NewsAmericasNow.com